Церкве Русския столпе непоколеби­мый,/ благочестия правило,/ жития евангельскаго образе,/ священномучениче (имярек),/ Христа ради пострадавый даже до крове,/ Егоже моли усердно,/ яко На­чальника и Совершителя спасения,/ Русь Святую утвердити в Православии// до скончания века.

Мученик Твой, Господи, Трифон во страдании своем венец прият нетленный от Тебе, Бога нашего; имеяй бо крепость Твою, мучителей низложи, сокруши и демонов немощныя дерзости. Того молитвами спаси души наша.

Насладився, богомудре, воздержания, и желание плоти твоея обуздав, на престоле святительства сел еси, и яко звезда многосветлая просвещая сердца верных зарями чудес твоих, отче наш святителю Никито. И ныне моли Христа Бога да спасет души наша.

Посвящаяется возрожденному Бессарабскому Крестному ходу

Молитва святой княгине Анне

О, преподобная и преблаженная мати Анно! Смиренно припадающе к честной иконе твоей, молимся со слезами прилежно: не забуди убогих твоих до конца, но поминай нас всегда во святых твоих и благоприятных молитвах к Богу. О преблаженная великая княгине Анно! Не забуди присещати чад твоих: аще бо телом и преставилася еси от нас, но и по смерти жива пребываеши и не отступаеши от нас духом, сохраняющи нас от стрел вражиих, всякия прелести бесовския и козней диавольских. Молитвеннице наша усердная! Не престай молящися за ны ко Христу Богу нашему, аще бо мощей твоих рака пред очима нашима выну видима есть, но святая душа твоя, со ангельскими воинствы у престола Вседержителя предстоящи, достойно веселится. К тебе убо припадаем, тебе молимся, тебе мили ся деем: молися, преблаженная Анно, Всемилостивому Богу нашему о спасении душ наших, еже испросити нам время на покаяние и невозбранно прейти от земли на небо, мытарств горьких и вечныя муки избавитися и Небесному Царствию наследникам быти со всеми праведными, от века угодившими Господу нашему Иисусу Христу, Емуже слава, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.